Dhadkano mein mohabhat ki gunj si hai,
Mann mein pyaar ek uljan si hai,
Apni pechaan jaise hai hi nahi,
Aap mein aise kho gaye hai,

Pank soch ko lag gaye hai,
Rangeen sapne saj gaye hai,
Apni pechaan jaise hai hi nahi,
Aap mein aise kho gaye hai,

Jhoomate kadamo ki aahat,
Sajne ki woh anjani umang,
Apni pechaan jaise hai hi nahi,
Aap mein aise kho gaye hai,

Ehsaas mehekati hawao ki,
Mann hi mann woh muskurana,
Apni pechaan jaise hai hi nahi,
Aap mein aise kho gaye hai,

Haathon mein mehek mehandi ki,
Saath hone ki woh chahat,
Apni pechaan jaise hai hi nahi,
Aap mein aise kho gaye hai,

Chamakate sitaron se aasmaan,
Kisi ko usme khoj the rehna,
Apni pechaan jaise hai hi nahi,
Aap mein aise kho gaye hai,

Samane jab aate hain koi,
Kaid ho jaati hai labon pe alfaz,
Apni pechaan jaise hai hi nahi,
Aap mein aise kho gaye hai,

Ronak chere ki le jaati hai koi,
Dil ki baatein nighaon mein nahi aa paati hai,
Apni pechaan jaise hai hi nahi,
Aap mein aise kho gaye hai,

Meri duniya mein kaun yeh aa gaye hai,
Humko humi se chura le gaye koi,
Apni pechaan jaise hai hi nahi,
Aap mein aise kho gaye hai,

Kaisa adbut sa Rishta hai hamara,
Joodh gayi dil se dil ke kadi ki,
Apni pechaan jaise hai hi nahi,
Aap mein aise kho gaye hai ………

.    .    .