Shaadi ko lekar her ladki ke mann mai bhahut se sapne hote hai. Mere bhi Shaadi ko lekar ko bhahut sapne they. 5 December 2020 ko mera vivaah Arvind ke saath hua. Mai unke saath apne sasuraal aa gyi. Sab kuch accha chal raha tha sabhi log mujhe apni beti maante they kyunki unki khud ki koi ladki nhi thi. Ghar mai kevel mai, mere husband, unke do bhai aur maa-papa they. Mai bhi sabhi ka khayal rakhti thi. Mere husband ki duty night ki thi.

Roj ke mutaabik wo apni duty chale gaye. Mai apni saas ke saath apne kamre mai soyi thi. Raat mai washroom gayi wanha se aate waqt mere sasur ne bulaya to mai unke pass chali gayi. Unhone raat mai mujhse bola tum meri beti mujhe mere gaal par ek pappi do aur jabardasti mera haath pakad liya, mai jaldi se apna haath chudakar wanha se bhaag gayi. Subah maine saas ko bataya, sabhi unpar gussa hue unhone humse maafi maangi aur apni galti svikaar ki.

Khch samay baad mujhe ek bacchi hui jiska naam Shivaani rakha jo ki mere maayke mai hui, sasuraal walo ne ek rupaya nahi lagaya. Phir kuch samay baad mere husband mujhe lene aaye mai unke saath chali aayi. Sab khuch theek chal raha tha lekin ek din mere dever drink karke aaye aur meri beti ko le liya, wo unke pass jaate hi rone lagi to mene usee wapas le liya. Raat mai unhone mujhe bhahut gaaliyan di, mere sasur ne mere dever ko chup karaya.

Mere saas agli subah mujhi par gussa karne lagi. Mai kuch nhi boli. Kuch din baad unke taane badne lage aur ab wo mujhe hi charitraheen kehne lagi.Kuch din baad, mai one month ki pregnant hui aur kisi wajah se miscarriage ho gaya, jiski wajah se mujhe kaafi bleeding hui aur m kamjor ho gayi. Meri saas poore ghar mai mere kaam na karne par behas karne lagi aur mere dever aur mere sasur bhi mujhse ladne lage. Mere husband aaye to bole chalo tumhe maayke bhej de jab sahi ho jaaogi tab yanha aana. Is baat par saas aur ladne lagi aur mujhe jaane nhi diya.

Aaj bhi mai apne sasuraal mai hun. Lekin jald mai apne maayke ja rahi hun lekin humesha wanha rahne nhi kevel ek mahine ke liye tabtak mujhe apne pero par khada hona hai, aur kuch karke dikhana hai. Taaki baaki ladkiyon ko bhi lage vivaah do dilo aur pariwaaro ka mail hota hai, jab aapsi pyaar nahi kevel ek samjhota maatr ho to isse accha uss rishtey se duur ho jaana. Aur ab khud ke dam par kuch karke dikhaana hai. 

.    .    .