Pata nahi kaha mai chali jarhi hoon,
Kis daldal me giri jarhi hoon,
Kabhi jinse baat krke man nahi tha bharta,
Unhise baat krneka mann ab ku nahi karta,
Koi mujhse puchta hai jab ye sawal,
“Ki btaoo kese hai tumhara haal?”

Toh bina kuch soche bass “ Mai theek hoon”
Yahi kahe jarhi hoon.
Pata nahi kaha mai chali jarhi hoon,
Kis daldal me giri jarhi hoon.
Andhere me hi rehna achha sa lagta hai,
Roshni se ab rishta kaccha sa lagta hai,
Bhookh ne toh jese sath chod sa diya hai,
Zindagi ne ye kesa mod le liya hai,

Aata hai jab koi mujhse milne,
Toh unke samne muskurane ka Dhong kiye jarhi hoon,
Pata nahi kaha mai chali jarhi hoon,
Kis daldal me giri jarhi hoon.
Kuch bhi krne ka ab mann hi nahi karta,
Kmre se bahar niklne ko dil hi nhi kehta,

Akelepan me rehna pasand agya hai,
Ye kesa shauk mujhe bhaa gaya hai,
Jo bhi baatein hai mann me,
Unhe andr hi rkh kr,
Jese zehar ka ghoon piye jarhi hoon,
Pata nahi kaha mai chali jarhi hoon,
Kis daldal me giri jarhi hoon.

Failure zindagi ka hissa sa lagta hai,
Success bs ek chota sa kissa lagta hai,
Jeetne ki khwahish khatam si horhi hai,
Ye itni problems se life kyu ghir gayi hai,
Mummy – papa, dost bas karte ek hi sawal,
“Ye itni shant kyu hogyi ho?”
Unke is sawal ka jawab,” Bass ab mann nahi karta bolne ka “
Kehkar diye jarhi hoon.
Pata nahi kaha mai chali jarhi hoon,
Kis daldal me giri jarhi hoon.

Kabhi kabhi lagta hai sbse door chali jau,
Door kahi bass apne akelepan me khojau,
Kisiko keh nahi pati,
Lekin haan kehna bahut kuch hai,
Mann hmesa ek sawal karta,
“Kyu nahi batati apne mann ki bat?”
Use khud ki behlakar “ Koi smjhega hi nahi.”
Yehi kahe jarhi hoon.
Pata nahi kaha mai chali jarhi hoon,
Kis daldal me giri jarhi hoon.

Baatein mann ke andar,
Akelepan se pyaar,
Andhero me apna sansaar.
“Bahut bura hai ye
DEPRESSION ka waar”
Sabko bass yehi batana chah rhi hoon.
Pata nahi kaha mai chali jarhi hoon.
Kis daldal me giri jarhi hoon.

.     .     .