Na kar sako samman uska,
To Naa uska apmaan karo,
Wo Aurat hai abla nahi,
Ye dhyan rakho, ye dhyan rakho.
Wo Sita hi thi jinhone,
Ravan ki lanka jalayi thi,
Wo thi Draupadi jisne,
Mahabharat takk rachayi thi,
Wo karsakti hai kuch bhi,
Ye ek baat tum aaj suno,
Wo aurat hai abla nahi,
Ye dhyan rakho, Ye dhyan rakho.
Wo hi sati thi jinhone,
Khudko agni me jalaya tha,
Wo jab bani shree radha,
Tab prem ka path padhaya tha,
Usko khud hi chalne do,
Uske raste ke kaate na bano,
Wo aurat hai abla nhi,
Ye dhyan rakho, Ye dhyan rakho.
Uska sundar roop hi ku,
Uska abhishap ban jata hai,
Jab kuch paiso ke chakkar me,
Use dukano par becha jata h,
Ye sab mitakar duniyawalo,
Kuch apna udhhar karo,
Wo aurat hai abla nahi,
Ye dhyn rakho, ye dhyn rakho.
Chand pr bhi chali gayi wo,
Prime Minister ke pad par khadi hui wo,
Usne chaha jab Akash ko chuna,
Mount Everest par bhi chadh hi gayi wo,
To aao ae duniyawalo,
Dekho in kamyabhiyon ko,
Dekho ankhein kholke dekho,
Wo aurat hai abla nahi,
Ye dhyan rakho, Ye dhyan rakho.
Wo hi shrijan karta hai,
Wo kar sakti vinaas bhi hai,
Wo ek beti, ek behan,
Wo ek mamta ka ehsaas bhi hai,
Wo ek patni, ek bahu,
Wo rabb ki bheji dua bhi hai
Ye hai uske hi roop anek,
Ye baat tum phirse ek baar suno,
Wo aurat hai abla nahi,
Ye dhyan rakho, Ye dhyan rakho.

.    .    .